«Жаңа серпін» жастар марафоны өтті PDF Печать E-mail
ОҚО жастар саясаты мәселелері басқармасының «Жастар орталығы» МКМ тапсырысы аясында «Қазақстан – 2030» жас патриоттар одағы» қоғамдық бірлестігінің және Мақтарал аудандық «Жастар орталығы» КММ-нің ұйымдастыруымен «Жаңа серпін» облыстық жастар марафоны өтті.  Еліміздің индустриялық өрлеуіне сәйкес кәсіпкерлікке бейімділігі жоғары, саламатты, білімді, жан-жақты, толерантты, патриот жас азаматтардың қалыптасуына алғы шарттар жасау мақсатында ұйымдастырылған іс-шараға аудан жастары белсене қатысты. Спорттық іс-шаралар мен жас кәсіпкерлер арасында семинар-тренингтер өткізілді.«Жаңа серпін» жастар марафонының бірінші бағыты бойынша «Спорт бізді біріктіреді» аудандық волейбол, футбол және шахматтан спорттық турнирі өткізілді. Турнирге спорттың әр түрі бойынша ауданымыздың қала, кент, ауылдық округтерінен 24 команда қатысып өзара бақ сынасты. Аталмыш іс-шараның ашылу салтанатына аудан әкімінің орынбасары Әділхан Әбжанов арнайы қатысып, жастардың бүгінгі қоғамдағы алар орыны мен оларға артылған сенімнің, үміттің үлкен екендігін айтып, сайыста жеңіс тіледі. Олардың сапалы білім алып, ел игілігіне еңбек етулері үшін жасалып жатқан қамқорлықтарға тоқталды. Спорттық ойындарда әдемі ойын үлгісін көрсеткен жастар турнирдің жақсы өтуіне белсенділік танытты.                                                                                 Жарыс қорытындысында  спорттың түрлері бойынша жеңіске жеткен жеткіншектерге ұйымдастырушылар тарапынан арнайы алғыс хаттар мен бағалы сыйлықтар табыс етілді. Алдағы уақытта жеңімпаздар аудан құрамасының сапында облыстық, республикалық додаларда ауданның намысын қорғап, өнер көрсететін болады
 

Ауа райы

Баннерлер

Free template 'Feel Free' by [ Anch ] Gorsk.net Studio. Please, don't remove this hidden copyleft!